Tragjedia në Koçan/ BDI Dega Çair ka vendosur të anulojë të gjitha iftaret e planifikuara për këtë muaj të shenjtë të Ramazanit

Shkaku i tragjedisë në Koçani nga BDI dega Çair kanë anuluar gjitha iftaret e parapara për muajin e Ramazanit.

“Me dhimbje dhe solidaritet të thellë ndaj familjeve të prekura nga tragjedia në Koçan, Bashkimi Demokratik për Integrim – Dega Çair ka vendosur të anulojë të gjitha iftaret e planifikuara për këtë muaj të shenjtë të Ramazanit.

Mjetet e parapara për organizimin e këtyre iftareve do të ridestinohen për të ndihmuar familjet e viktimave, me qëllim lehtësimin e barrës së tyre në këtë moment të rëndë.

Ramazani është muaj i reflektimit, sakrificës dhe ndihmës për njëri-tjetrin. Në këtë frymë, ndjejmë për detyrë që në vend të grumbullimeve festive, të qëndrojmë pranë atyre që kanë humbur më të dashurit e tyre dhe që po përballen me dhimbje të madhe.

Urojmë që Zoti t’ju japë forcë familjeve të viktimave dhe që ky muaj i shenjtë të sjellë më shumë solidaritet dhe mirëkuptim mes nesh” – thonë nga Bashkimi Demokratik për Integrim -Dega Çair. /tvklan.mk