Rrëzohet avioni në Honduras, 12 të vdekur

Një aeroplan është rrëzuar në brigjet e Honduras, duke shkaktuar kështu vdekjen e 12 personave, raporton BBC.

Ngjarja ka ndodhur mbrëmjen e së hënës (17 mars), teksa avioni i linjës ajrore Hondurase-Lanhsa u rrëzua në det vetëm një minutë pas ngritjes nga ishulli Roatan.

Përveçse viktimave, 5 persona të tjerë janë shpëtuar, ndërsa një tjetër ende nuk është gjetur.

Ende nuk dihen arsyet e kësaj tragjedisë ajrore, por sipas kryebashkiakut të ishullit Roatan, nuk ka të bëjë me motin, pasi kushtet atmosferike ishin të qëndrueshme.

Zyrtari i aviacionit civil, Carlos Padilla, u shpreh se “avioni bëri një kthesë të fortë në të djathtë të pistës dhe ra në ujë”, siç shkruan BBC.

Presidentja e Hondurasit, Xiomara Castro, përmes një postimi në platformën “X”, u shpreh se ekipi i posaçëm është duke punuar intensivisht.

“Zoti i ruajtë jetët e njerëzve”, shtoi Castro më tej.

He activado de manera inmediata el equipo del Comité de Operaciones de Emergencia (COE) conformado por las FF. AA., los Bomberos de Honduras, COPECO, Policía Nacional, 911, Cruz Roja, la Secretaría de Salud, SAN, quienes de manera inmediata han llegado a la zona de accidente…