Në Universitetin Nënë Tereza në Shkup votohet për rektor (FOTO)

Në të gjitha njësitë akademike të Universitetit “Nënë Tereza” në Shkup po zhvillohet me sukses procesi i votimit për Rektor të periudhës të mandatit 2025/2028.
Dy kandidatët për postin e rektorit, Prof. dr. Bekim Fetaji dhe Prof. dr. Blerim Saiti, morën pjesë në një garë të barabartë dhe transparente, duke respektuar të gjitha rregullat e arsimit të lartë dhe statutin e UNT-së.
Procesi i votimit po vijon në një atmosferë të rregullt dhe demokratike, duke garantuar pjesëmarrjen e të gjithë profesorëve me të drejtë vote në kuadër të statutit dhe Ligjit të arsimit të lartë.
Komisioni Qendror Zgjedhor pranë UNT-së falënderon të gjithë pjesëmarrësit në këtë proces zgjedhor për angazhimin dhe përgjegjësinë e treguar, duke uruar suksese në misionin e përbashkët për avancimin e arsimit të lartë.
Për informacione shtesë dhe analiza të detajuara mbi zgjedhjet, respektivisht rezultatet preliminare dhe përfundimtare, i gjithë opinioni publik do të informohet me kohë.