Musk konfirmon lindjen e fëmijës së tij të 14-të

Miliarderi dhe sipërmarrësi Elon Musk ka konfirmuar lindjen e fëmijës së tij të 14-të, Seldon Lycurgus, me Shivon Zilis, një nga drejtueset e kompanisë së tij Neuralink.

Çifti, i cili më parë ka mirëpritur binjakët Strider dhe Azure (3 vjeç) si dhe vajzën Arcadia (1 vjeç), ka zgjeruar edhe më tej familjen e tyre.

Zilis e ndau lajmin në platformën X (ish-Twitter), duke shkruar:

“Diskutuam me Elon [Musk] dhe, duke pasur parasysh ditëlindjen e bukur të Arcadia-s, ndjemë se ishte më mirë ta ndajmë drejtpërdrejt edhe lajmin për djalin tonë të mrekullueshëm, Seldon Lycurgus. I ndërtuar si një titan, me një zemër të madhe prej ari. E duam aq shumë.”

Musk, i njohur për qëndrimet e tij pro-nataliste, ka folur shpesh për rëndësinë e familjeve të mëdha si një mënyrë për të parandaluar rënien e popullsisë.