Takimi i Kryetarit Gashi dhe përfaqësuesit special për Slloveninë, Anzhej Fragnesh

Kryetari i Kuvendit, Afrim Gashi, realizoi takim me Anzhej Fragnesh, përfaqësues special i Republikës së Sllovenisë në Republikën e Maqedonisë së Veriut.
Kryetari Gashi i theksoi marrëdhëniet e shkëlqyera bilaterale shumëvjeçare midis dy vendeve dhe dinamikën e takimeve në të gjitha nivelet, të cilat janë konfirmimi më i madh i dëshirës së ndërsjellë për lidhje më të ngushta midis dy vendeve tona.
Gjatë takimit, Kryetari Gashi theksoi përkushtimin e Sllovenisë për ta mbajtur çështjen e zgjerimit lart në agjendën e BE-së, si dhe mbështetjen që i jep vendit tonë në rrugën e tij drejt BE-së. Përvoja tregon se procesi i zgjerimit është mjeti i vetëm për sigurimin e prosperitetit, sigurisë dhe stabilitetit në kontinentin evropian dhe si i tillë duhet të vazhdojë me intensitet edhe më të madh.
Fragnesh e uroi Kryetarin Gashi për punën e deritanishme si Kryetar i Kuvendit dhe shprehu gatishmërinë për intensifikimin dhe thellimin e mëtejshëm të komunikimit dhe bashkëpunimit për tema me interes të përbashkët.
Fragnesh theksoi se është me rëndësi të veçantë që procesi i hapjes së kapitujve të negociatave të fillojë sa më shpejt dhe që vendi të anëtarësohet në BE, për çka Sllovenia do të ofrojë mbështetje të vazhdueshme, të hapur dhe të fortë për Republikën e Maqedonisë së Veriut.
Bashkëbiseduesit folën edhe për aktivitetet aktuale në Kuvend, thellimin e mëtejshëm të bashkëpunimit midis dy vendeve në të gjitha nivelet, me theks të veçantë në diplomacinë parlamentare.