Interi fiton minimalisht ndaj Genoas

Interi e ka shënuar fitoren e radhës në Serie A.

Zikaltrit triumfuan minimalisht 1:0 ndaj Genoas, në kuadër të javës së 26-të të elitës së futbollit italian.

Pjesa e parë u mbyll pa gola të shënuar.

E goli i vetëm i ndeshjes erdhi në minutën e 78-të të takimit kur Lautaro Martinez shënoi pas asistit të Calhanoglut.

Me këtë fitore, Inter shkon në 57 pikë në vendin e parë, një më shumë se Napoli që ka një ndeshje më pak të luajtur.

Në anën tjetër, Genoa mbetet e 12-ta me 30 pikë të grumbulluara.