E jashtëzakonshme në Kupën e Gjermanisë – Klubi nga Bundesliga 3 e eliminon Werderin

Arminia Bielefeldi, që garon në Bundesliga 3 të Gjermanisë e ka eliminuar Werder Bremenin e Bundesligës nga Kupa e Gjermanisë.

Në ndeshjen çerekfinale të Kupës gjermane, Werderi humbi me rezultat 2:1.

Marius Worl shënoi golin e parë në minutën e 35-të, ndërsa për 2:0 autogol realizoi Julian Malatini në minutën e 41.

Werderi e shënoi golin e nderit në minutën e 56-të nëpërmjet Oliver Burke.

Arminia Bielefeldi zë vendin e katërt me 40 pikë në Bundesliga 3, kurse Werder Bremeni në vendin e 12-të në Bundesligë me 30 pikë.