Sot rinis gjykimi ndaj ish-krerëve të UÇK-së

Ish-krerët e Ushtrisë Çlirimtare të Kosovës, Hashim Thaçi, Kadri Veseli, Rexhep Selimi dhe Jakup Krasniqi, do të dalin këtë të hënë para trupit gjykues.

Gjykata Speciale rifillon sot punën pas pushimit dimëror, ku procesi i rregullt do të mbahet nga e hëna në të enjten, nga ora 09:00.

Dhomat e Specializuara të Kosovës kanë vendosur të pranojnë me shkrim dëshmitë e dy dëshmitarëve.

Më 2024 u mbajtën gjithsej 107 seanca, kurse në total janë kaluar 182 ditë në sallën e gjyqit që nga fillimi i gjykimit.