Ronaldos pritet t’i ofrohet një super kontratë e re nga Al Nassr

Cristiano Ronaldo është pranë nënshkrimit të një “super-kontrate” me klubin e Saudi Pro League, Al Nassr, që do t’i sigurojë një shumë marramendëse fitimes për sekondë, sipas raportimeve të fundit të mediave

Sulmuesi 39-vjeçar firmosi një kontratë dy vjet e gjysmë me Al Nassr në dhjetor 2022, me vlerë rreth 164 milionë funte në sezon për kontributet e tij në fushë, sipas The Mail.

Si rezultat, Ronaldo u bë futbollisti më i paguar në botë.

Në fakt, vitin e kaluar, ish-sulmuesi i Manchester United u shpall sportisti më i paguar në botë për herë të katërt në karrierën e tij, pasi fitoi rreth 260 milionë dollarë, përfshirë 60 milionë dollarë nga aktivitete jashtë fushës.

Sipas Forbes, Ronaldo promovoi kompani si platforma e kriptomonedhave Binance dhe aplikacioni i fitnesit Erakulis për 629 milionë ndjekësit e tij në Instagram, pa përmendur sponsorët si Nike, Herbalife dhe Clear Haircare.

Që kur iu bashkua Al Nassr, Ronaldo është bërë një lojtar kyç për klubin saudit, duke shënuar 75 gola dhe duke dhuruar 18 asistime në 84 ndeshje.

Tani duket se sulmuesi me përvojë do të vazhdojë të përfaqësojë ekipin e Stefano Piolit, me median saudite Al Khabar, siç raporton AS, duke thënë se Ronaldo pritet të zgjasë kontratën për një sezon tjetër.

Sa do të fitojë këtë herë?

Sipas raportit, Ronaldo do të marrë rreth 3.19 milionë funte (3.8 milionë euro) në javë te Al Nassr, që përkthehet në rreth:

460,000 funte në ditë

19,166 funte në orë

dhe rreth 5.3 funte për sekondë.

Në nëntor, Ronaldo foli për transferimin e tij në Arabinë Saudite gjatë dokumentarit të Netflix Saudi Pro League: Kickoff.

“Në fillim, gjithçka nuk ishte e lehtë,” pranoi ai. “Kultura është ndryshe. Familja ime është pjesë e imja dhe ata gjithmonë vijnë kudo që shkoj unë”.

“Ndonjëherë fëmijët e mi e ndjejnë mungesën e Evropës. Është normale. Asgjë në këtë jetë nuk është e lehtë. Populli saudit është shumë miqësor. Ata janë njerëz si unë, që duan të japin më të mirën.”

I pyetur nëse u transferua në Arabinë Saudite për para, Ronaldo tha:

“Jam këtu për të fituar. Për të fituar trofe, për të bërë Al Nassr më të mirë, për të përmirësuar Saudi Pro League, për të ndryshuar kulturën.”

“Dua të jem i suksesshëm, dua të lë një trashëgimi. Kjo është ajo që dua. Prandaj jam këtu. Ata më ndihmojnë, unë i ndihmoj ata. Ne jemi një skuadër”, tha ai.

“Marr pjesën time të tortës, Netflix merr pjesën e tij, Arabia, të gjithë. Ne punojmë për një tortë të madhe, e cila është fitimi”.