Inaugurimi i Trump, vallëzimi i gruas së tij Melania me një ushtar ‘pushton’ rrjetin

Një video është bërë virale në rrjetet sociale, ku Zonja e Parë e SHBA-ve, Melania Trump, ka qenë duke vallëzuar me një ushtar amerikan.

Sipas mediave të huaja, ngjarja është filmuar në Ballon “Komandanti në Krye” e mbajtur me rastin e inaugurimit të Donald Trump si President i Shteteve të Bashkuara.

Ky event ceremonial, i dedikuar të gjitha degëve të ushtrisë amerikane, ka përfshirë një numër vallëzimesh dhe momente të veçanta, duke përfshirë një vallëzim të Melania Trump me anëtarin e Gardës Nderi të Forcave Ajrore, Henry Wallen.

Melania gjatë vallëzimit shfaq një buzëqeshje të veçantë, ç’ka ka bërë që momenti të marrë një vëmendje të madhe, shkruan A2 CNN.

Kujtojmë se Melania, me origjinë sllovake, para se të bëhej bashkëshortja e Presidentit Trump, ka qenë një modele që pozonte fotografitë e saj, shpesh edhe nudo, për revistat ndërkombëtare.