Google Maps do ta riemërtojë Gjirin e Meksikës si Gjiri i Amerikës në SHBA

Google ka konfirmuar se do ta riemërtojë Gjirin e Meksikës si Gjiri i Amerikës në Google Maps në SHBA, pas një urdhri ekzekutiv nga presidenti amerikan Donald Trump.

Ai do të mbetet Gjiri i Meksikës në Meksikë, ndërsa përdoruesit jashtë SHBA-së dhe Meksikës do t’i shohin të dy emrat në Google Maps. Maja e Alaskës Denali, mali më i lartë në Amerikën e Veriut, do të ndryshohet gjithashtu në malin McKinley në SHBA, në përputhje me urdhrin ekzekutiv të Trump më 20 janar.

“Ne kemi një praktikë të gjatë të aplikimit të ndryshimeve të emrave, kur ato janë përditësuar në qeverinë zyrtare,” tha Google në një postim në X.

Duke shpjeguar etiketat e ndryshme për gjirin në SHBA, Meksikë dhe pjesën tjetër të fjalës, Google shtoi: “Kur emrat zyrtarë ndryshojnë midis vendeve, përdoruesit e Maps shohin emrin e tyre zyrtar lokal. Të gjithë në pjesën tjetër të botës i shohin të dy emrat. Kjo vlen edhe këtu.”

Presidenti i SHBA urdhëroi ndryshimin e emrit, si pjesë e një morie veprimesh ekzekutive disa orë pas marrjes së detyrës, duke përmbushur një premtim të fushatës.

“Siç udhëzohet nga presidenti, Gjiri i Meksikës tani do të njihet zyrtarisht si Gjiri i Amerikës dhe maja më e lartë e Amerikës së Veriut do të mbajë përsëri emrin Mount McKinley,” tha departamenti i brendshëm, në një deklaratë javën e kaluar.

Google tha se do të përditësojë shërbimin e saj Maps, sapo emrat të përditësohen në sistemin e informacionit të emrave gjeografikë të qeverisë së SHBA.

Duke reaguar ndaj premtimit të Trump pak para inaugurimit të tij për të riemërtuar Gjirin e Meksikës, presidentija meksikane, Claudia Sheinbaum, me shaka sugjeroi këtë muaj që Amerika e Veriut, përfshirë SHBA-në, gjithashtu duhet të riemërohej. Ajo sugjeroi “América Mexicana”, ose “Amerika meksikane”, sepse një dokument themelues i vitit 1814, që i parapriu kushtetutës së Meksikës të përdorë atë emër./ The Guardian.