Bëhuni gati/ Stuhi polare, reshje të dendura shiu dhe dëbore

Prej nesër dhe gjatë fundjavës një valë polare me origjinë nga Arktiku pritet ta përfshijë pjesën më të madhe të Ballkanit, që do të ndikojë në uljen e ndjeshme të temperaturave edhe në vendin tonë.

Gjatë natës së të premtes dhe të shtunën pritet që fillimisht të ketë reshje shiu kurse më pas, për shkak të depërtimit të valës së ftohët ajrore dhe erës veriore, do të shndërrohen në reshje bore.

Për shkak të zbritjes së masës ajrore më të ftohtë me erë të fortë veriore, reshjet do të kalojnë në borë edhe në vendet më të ulëta. Temperatura e mëngjesit do të jetë -5, ndërsa temperatura maksimale gjatë ditës deri në 13 gradë Celsius.