Aksident me vdekje në lumin e Vlorës, humb jetën 30-vjeçari

Një aksident me pasojë vdekjen e një personi ka ndodhur të dielën në Vlore.

Policia tha se aksidenti u shënua në afërsi të fshatit Kotë, në rrugën e Lumit të Vlorës.

Një motomjet tip “Yamaha”, është përplasur me një automjet tip “Peugeot”, me drejtues shtetasin J. K., 80 vjeç, banues në Vlorë.

Si pasojë e përplasjes, drejtuesi i motomjetit, rreth 30 vjeç, i paidentifikuar ende, ka ndërruar jetë.