Serbia e Kosova bien dakord për gjetjen e të zhdukurve

Kosova dhe Serbia janë pajtuar për zbatimin e deklaratës për të zhdukurit. Dakordësia është arritur në Bruksel pas një takimi ndërmjet kryenegociatorit të Kosovës dhe atij të Serbisë me ndërmjetësimin e emisarit Miroslav Lajçak.

Pas takimit trepalësh kryenegociatori Bislimi tha se Kosova dhe Serbia do ta kenë një komision të përbashkët.

“Tani mund të ecim perpara që gjatë muajit të ardhshëm të mbahet mbledhja e parë e komisionit të përbashkët. Ka premtime nga ana e Serbisë që nuk do të ketë tendenca që në të ardhmen puna e këtij komisioni të pengohet”.

Kryenegociatori i Serbisë, Petar Petkoviç, ka thënë se pala serbe ka insistuar për formimin e Asociacionin të komunave me shumicë serbe, ndërsa ka shtuar se është hequr edhe pengesa e fundit në zbatimin e Deklaratës së Personave të Zhdukur.

“Kemi rënë dakord për një komision të përbashkët që do ta mbështesë grupin punues, i cili do të drejtohet nga Komiteti Ndërkombëtar i Kryqit të Kuq.”