FOTO/ Aksident tragjik në Fier, nga rruga përfundon në kanal, plagoset shoferi, pasagjeri gjendet i pajetë disa metra më poshtë

Aksidentet automobilistike vijojnë të marrin jetë njerëzish në Shqipëri,

Një i tillë ka ndodhur në orët e para të kësaj të shtune, ku një aksident i rëndë ka ndodhur në Byppass-in e Fierit.

Një automjet tip “ BMV” ka humbur kontrollin dhe ka dalë nga rruga. Si pasojë drejtuesi i mjetit ka marrë lëndime në trup.

Në vendngjarje kanë mbërritur menjëherë policia dhe ambulanca e cila e ka transportuar të plagosurin drejt Spitalit të Traumës për mjekim më të specializuar.

Ndërkohë disa metra larg vendit të aksidentit është gjetur dhe një viktimë që dyshohet të ketë qenë pasagjer në automjetin në fjalë.

Policia e Fierit – Informacion paraprak

Në aksin rrugor “Pojan-Vlorë”, shtetasi G. Ç., duke drejtuar automjetin, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë e daljes së automjetit nga rruga ka humbur jetën pasagjeri që ndodhej në automjet, ende i pa identifikuar.

Ndersa drejtuesi i automjetit, shtetasi G. Ç., u transportua në spitalin e Traumës për ndihmë të specializuar mjeksore.

Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të aksidentit.