Fadil Fazliu ende po mbahet nga EULEX-i, nuk dihet kur do të transferohet në Hagë

Ish-luftëtari i Ushtrisë Çlirimtare të Kosovës, Fadil Fazliu me urdhër të Gjykatës Speciale, u arrestua gjatë mëngjesit të së enjtes në shtëpinë e tij.

Fazliu ende po mbahet në zyrat e EULEX-it, ndërsa ende nuk dihet se kur do të transferohet për në Hagë.

Këtë për Klankosova.tv, e konfirmoi djali i tij, Fahri Fazliu.

Tutje, Fahriu bën të ditur se as sot nuk iu lejua të takohej me babanë e tij.

Të enjten nuk ishte vetëm Fazliu ai që u arrestua nga Gjykata Speciale, ishin edhe ish-kryetari i Malishevës, Isni Kilaj dhe ish-shefi i AKI-së, Bashkim Smakaj.

Po ashtu, gjatë së enjtes u bastisë edhe shtëpia e ish-ministrit të Drejtësisë, Hajredin Kuçit.