“Djali im ta jetojë një jetë ndryshe nga unë”, çfarë thonë sirianët pas rënies së regjimit të Assadit

Dy ditë pasi regjimi i presidentit sirian Bashar al-Assad u përmbys të dielën, Damasku është i qetë.

Fëmijët luajnë në parqe dhe shumica e dyqaneve janë të hapura. Por duke udhëtuar nëpër kryeqytet, nuk mund të shihen asnjë foto të Assadit.

Iman Abi Laben me djalin e saj. Gul Tuysuz/CNN
Iman Abi Laben tha për CNN se e falënderon Zotin për fundin e sundimit të Assadit.

“Dikur kishim frikë, por tani ndihemi të lumtur. Siria tani është ndryshe. Është një gëzim i pashoq”, tha ajo.

Duke qëndruar në rrugë me djalin e saj 1-vjeçar, Laben tha se dëshiron një jetë ndryshe për fëmijën e saj nga ajo që ajo e ka jetuar vetë.

“Ne duam vetëm të jetojmë një jetë të mirë. Ne duam siguri. Ne duam që fëmijët tanë të jetojnë në paqe. Të shkojnë e të vijnë si të duan. Unë dua që djali im të jetojë një jetë ndryshe nga unë”.

Walid Hamshu, 67 vjeç, thotë se nuk është i shqetësuar për të ardhmen. Gul Tuysuz/CNN
Walid Hamshu, 67 vjeç, tha për CNN se regjimi i Assadit mori “gjithçka”.

“Të shtatëdhjetat, vitet 80, 90-ta, 2000, 2010. Tani është 2025. Ju llogaritni se sa nga jeta ime kam jetuar nën Assadët. Sa vite nën ta”, tha ai.

Por Hamshu është më optimist për të ardhmen.

“Nuk jam i shqetësuar për të ardhmen. Rebelët kanë ardhur për ta rindërtuar vendin për ne. Na mjaftoi e kaluara. I zoti (udhëheqësi rebel Abu Mohammad) al-Jolani bëhet president. Ne do ta mbështesim atë. Ai është një njeri i devotshëm. Nga fytyrat e tyre mund të dalloni se cilat janë qëllimet e tyre. Ai ka ardhur për ta rindërtuar vendin dhe për të na shpëtuar”, tha Hamshu.