Barça po “dridhet”, sot në orën 23:59 përfundon afati për Dani Olmo-n!

Barcelona ka afat deri në orën 23:59 të datës 31 dhjetor për të bërë efektiv regjistrimin e Dani Olmo dhe Pau Victor pasi Gjykata e Shkallës së Parë refuzoi masat paraprake të kërkuara nga klubi i Barçës për regjistrimin e të dy lojtarëve.

Shpresa e vetme e Barcelonës është shitja e biletave të VIP-ave në të cilat ka avancuar shumë klubi i Barcelonës.

Joan Laporta ka një marrëveshje me investitorët për shitjen e këtyre kutive që do t’i japë klubit 100 milionë, një shumë që do t’i lejojë ata të regjistrojnë dy lojtarët dhe të kthehen në rregullin 1:1 për nënshkrim.

Nëse e bëjnë këtë, klubi do të jetë në gjendje të regjistrojë dy lojtarët. Problemi është se koha është kundër tyre pasi do të duhet ta bëjnë këtë para orës 23:59 të 31 dhjetorit./Indeksonline/