Ancelotti në krye të Seleçao-s, premtimi i madh i Fenomenit për t’u bërë president

Një ide që mund të mos mbetet thjesht e tillë. Prej vitesh, emri i Carlo Ancelotti-t ka jehuar në korridoret e Federatës Braziliane të Futbollit. Trajneri nga Emilia dukej i destinuar të merrte drejtimin e Seleção-s pas Copa América-s, por sukseset e fundit të arritura në drejtimin e Real Madridit e kanë bindur atë të vazhdojë aventurën e tij në kryeqytetin spanjoll.

“Mbreti” Carlo nuk ndihet ende gati të braktisë punën e përditshme në fushë, megjithëse ideja për të trajnuar një kombëtare e ka tunduar prej kohësh. Megjithatë, një zhvillim i ri mund t’ia ndryshojë mendjen: Ronaldo, ish-lojtar i tij te Milani, legjendë e futbollit brazilian, ka shpallur kandidaturën për presidencën e Federatës. Objektivi i tij i parë do të ishte sigurimi i një drejtimi të qëndrueshëm dhe afatgjatë për ekipin.

LEXO EDHE:
Kaçaj, në “Kafe Shqeto”: Grup i kalueshëm, Sylvinho po e dëmton Kombëtaren
Që nga largimi i Tite-s pas Kupës së Botës 2022, Brazili ka pasur tre trajnerë: Ramon Menezes, përkohësisht, për 3 ndeshje, Fernando Diniz për 6, dhe Dorival, i cili, pas 14 ndeshjesh, ende nuk ka bindur askënd dhe është në një situatë shumë të paqëndrueshme (vetëm 6 fitore).