Osmani kujton Masakrën e Korishës: Qëllimi i Serbisë ishte shfarosja e shqiptarëve

Presidentja e Kosovës Vjosa Osmani, e ka kujtuar 25 vjetorin e Masakrës së Korishës.

Nga akti gjenocidal serb u vranë 77 gra, burra, pleq, në mesin e cilëve 14 fëmijë nga fshatrat: Korishë, Budakovë, Bllacë, Reshtan, Mushtisht dhe Grejkoc.

Osmani tha se “barbaria e regjimit kriminal u manifestua ndaj të gjithë shqiptarëve pa dallim moshe, ngase i vetmi qëllim ishte shfarosja”.

“Plagët e mizorive sikurse kjo në Korishë, na sjellin në vëmendje çmimin e lartë të lirisë, ndaj angazhimi për drejtësi nuk do të ndalojë asnjëherë”, tha Osmani.

“Qoftë i përhershëm kujtimi dhe nderimi për të gjithë të rënët për liri!”.