GJNP i përgjigjet kritikave të Blinkenit lidhur me urdhërarrestet për zyrtarët izraelitë
Gjykata Penale Ndërkombëtare i është përgjigjur kritikave të Sekretarit Amerikan të Shtetit Antony Blinken.
Ajo tha për CNN se prokurori i GJNP-së ka kaluar “tre vjet” duke u përpjekur të përmirësojë dialogun me Izraelin dhe të marrë informacione të rëndësishme për hetimet e tyre.
Blinken kritikoi prokurorin e GJNP-së, Karim Khan për nxitimin për të aplikuar për urdhërarrest dhe “duke mos i lejuar sistemit ligjor izraelit një mundësi të plotë dhe në kohë për të vazhduar”.
“Me gjithë përpjekjet e rëndësishme, (zyra e prokurorit) nuk ka marrë asnjë informacion që ka treguar veprim të vërtetë në nivel vendas për të adresuar krimet e pretenduara ose individët nën hetim,” tha GJNP-ja, transmeton Klankosova.tv.
“Prokurori gjithashtu nënvizoi vazhdimisht shqetësimet e tij në lidhje me respektimin e Izraelit në të drejtën ndërkombëtare humanitare dhe ka theksuar publikisht se ai nuk ka parë ndonjë ndryshim të dukshëm në sjellje pavarësisht deklaratave të tij të mëparshme”.