Aksident në Sarandë, turistja italiane përfundon në spital

Mëngjesin e sotëm, një aksident automobilistik ka ndodhur në rrugën hyrëse të qytetit të Sarandës.

Motori i drejtuar nga një turiste italiane, është përplasur me një automjet dhe si pasojë ka dalë nga rruga.

Mësohet se turistja ka pësuar plagë të lehta dhe është transportuar drejt Spitalit të Sarandës për mjekim.

Në vendngjarje ndodhet policia, e cila ka nisur hetimet për të përcaktuar shkaqet e aksidentit.