Në kuadër të panairit akademik të radhës të organizuar nga qendrat akademike shqiptare, që sivjet po organizohet në Tiranë, në Akademinë e Shkencave të Shqipërisë, sot u promovuan tri vepra të Institutit të Trashëgimisë Shpirtërore e Kulturore të Shqiptarëve, “Historia e trevave lindore” (Ipeshkvia Shkup-Prizren nga Gaspër Gjini dhe “Zhvillimet kulturore dhe historike te shqiptarët në Maqedoni gjatë shek. XIX-XX”, e përgatitur nga grup autorësh) dhe “Dialektologjia shqiptare – Të folmet shqipe të Maqedonisë së Veriut IV”, po ashtu nga grup autorësh.
Në filli të pranishmit i përshëndeti drejtori i Institutit të Trashëgimisë Shpirtërore, Dr. Skender Asani, i cili tha: “Këto dy vepra janë uverturë në shkrimin e historisë së shqiptarëve të Maqedonisë, e cila në të ardhmen do të jetë edhe pjesë e teksteve shkollore të shkollës shqipe në këtë shtet.”. Me këtë rast ai e paralajmëroi edhe projektin e ri të shkrimit të historisë së shtetformësisë së shqiptarëve të Maqedonisë.
Në emër të Akademisë së Shkencave foli kryetari i Akademisë së Shkencave, Akad. Skender Gjinushi, i cili duke e përgëzuar Institutin për punën që po e bën, uroi që sa më shpejt ky institucion të kalojë në akademi të shkencave për shqiptarët e Maqedonisë së Veriut, gjithë kjo në frymë të zhvillimit të shkencës dhe integrimit ndër shqiptar dhe europian.
Për veprën dyvëllimëshe “Historia e trevave lindore” folën dy nga autorët e kësaj vepre, historianët Dr. Sevdail Demiri dhe Dr. Besnik Rameti, të cilët e vunë në pah rëndësinë e kësaj vepre në kuadër të shkrimit të historisë së shqiptarëve të Maqedonisë.
Për vëllimin e katërt të serisë “Dialektologjia shqiptare – Të folmet shqipe të Maqedonisë së Veriut” foli hulumtuesi i Institutit, gjuhëtari Dr. Zeqirija Ibrahimi, i cili u ndal në rëndësinë e madhe që ka ky vëllim për përmbylljen e serisë së studimeve të të folmeve shqipe në Maqedoninë e veriut, me të cilat, siç tha ai, “vizatohet harta e kufijve gjuhësorë të shqipes”.
Promovimin e moderoi hulumtuesi i Institutit, Dr. Sefer Tahiri.
Sign in
Sign in
Recover your password.
A password will be e-mailed to you.
Trending
- Arbër Ademi: Filluan si ithtar të Arbër Xhaferit, vazhduan si simpatizant të Vetvendosjes e përfunduan si argat të Mickoskit
- Server: Qeveria e re e Serbisë me bashkëpunëtorë të sulmit terrorist të Banjskës
- Grubi mesazh votuesit opozitar: Mos e jepni votën për Gordanen dhe VMRO-në për interesat e 5 personave
- Kryeministri i Serbisë kërcënon Kosovën pak ditë pas marrjes së mandatit, përmend Kurtin
- Elmi Aziri: Fronti Europian ka mbështetje të madhe në të gjithë vendin dhe kjo dëshmon se populli është përpara
- Është grabitur një bastore sportive në Bit Pazar
- Partitë politike po përmbledhin aktivitetet e fushatës zgjedhore, mesnatën e 6 majit nis heshtja zgjedhore
- Mungesa e pasaportave të reja: Sytë kah Shqipëria dhe Mali e Zi për pushime
- Pendarovski: Të rinjtë e dinë se unë kam qenë dhe do të jem gjithmon aleat i tyre
- Prof. Dr. Sylejman Baki viziton tregun e gjelbërt të Velesit – kërkohet përkrahje masive për Frontin Europian dhe numrin 4