Pendarovski: Qytetarët do të kruajnë kokën kur të zgjohen nga një Qeveri që erdhi me manipulime, por do të jetë vonë

Sonte në “Click Plus” në TV21, presidenti Stevo Pendarovski tha se opozita keqpërdor retorikën. Ai i ka shprehur si të pasakta pohimet e një përfaqësuesi të lartë të opozitës, i cili ka thënë se gjuha maqedonase nuk është në Kornizën negociuese.

“Unë shoh që retorika është abuzuar edhe më parë. Është një manipulim i madh dhe në periudhën zgjedhore çdo gjë mund t’i shkojë në kokë qytetarëve. Çdo ditë nëse i trumbetoni se vetëm si bullgarë mund të hyjmë në BE, ata do t’ju besojnë. Një përfaqësues i opozitës thotë se nuk është e vërtetë që gjuha maqedonase është në kornizën negociuese dhe ne kemi nënshkruar marrëveshje me Frontex dhe është parë që marrëveshja është nënshkruar në maqedonisht dhe në anglisht. Është e padiskutueshme që identiteti është ruajtur. Dhe nesër, kur qytetarët të zgjohen me një pushtet të tillë që përdor një retorikë të tillë, do të kruajnë kokën, por do të jetë vonë”, tha Pendarovski.