Mbi 7 mijë kosovarë shkuan në Shqipëri në orët e hershme të së shtunës
Kjo e shtunë ka nisur me një fluks automjetesh në pikën kufitare të Morinës.
Shumë qytetarë kanë zgjedhur të udhëtojnë nga Kosova drejtë Shqipërisë, duke rikthyer edhe njëherë lëvizjet e munguara gjatë muajit të Ramazanit.
Për shkak të agjërimit, gjatë këtij muaji lëvizjet e qytetarëve u reduktuan ndjeshëm.
Në pikën e përbashkët kufitare, policia punoi me procedurën e kalimit të kufirit pa kontroll përgjatë fundjavës sipas marrëveshjes ndërqeveritare.
Vetëm në orët e para të ditës, përmes pikës kufitare të Morinës në territorin e Shqipërisë kanë hyrë më shumë së 7 mijë qytetarë me rreth 4100 automjete.