Policia ndalon 35 vjeçarin në Trebosh për vuajtje të dënimit me burg

Pjestarë të policisë të SPB-Tetovë, dje (17-mars) rreth orës 14:30, në rrugën lokale për në fshatin Trebosh të Tetovës, kanë ndaluar 35-vjeçarin M.A. nga Treboshi. Ai kërkohej me urdhër arrest qëndror dhe në bazë të vendimit të gjykatës për të vuajtur dënimin me një vit burg për kryerjen e veprës penale ,,vepër e rëndë kundër sigurisë së njerëzve dhe pronës në qarkullimin rrugorë”, e dënueshme në bazë nenit 300 të Kodit Penal. Menjëherë pas arestimit personi është dërguar në Burgun e Tetovës për të vuajtur dënimin. TS