Zelensky: Kievi ka shumë nevojë për sisteme të mbrojtjes ajrore

Rusia “mund të ndalohet”, thotë Volodymyr Zelenskyy – por Kievi ka “shumë” nevojë për më shumë sisteme të mbrojtjes ajrore.

Duke folur pas bisedimeve me presidentin lituanez, Gitanas Nauseda, në Vilnius, Zelenskyy theksoi rëndësinë e forcimit të mbrojtjes së vendit të tij.

“Ne kemi vërtetuar se Rusia mund të ndalet, se parandalimi është i mundur”, tha presidenti ukrainas.

Ai shtoi: “Na mungojnë shumë sistemet moderne të mbrojtjes ajrore”, dhe nënvizoi se ato ishin “ajo që na duhen më shumë”.

Një zyrtar i forcave ajrore ukrainase paralajmëroi dje se përshkallëzimi i sulmeve me raketa dhe dron ruse në javët e fundit e kishte lënë Ukrainën në një “deficit” të cenueshëm të armëve anti-ajrore.

Zelenskyy pranoi sot se rezervat e sistemeve të mbrojtjes ajrore ishin të ulëta në vendet që mund t’i siguronin ato.

“Depot janë bosh dhe ka shumë sfida për mbrojtjen botërore,” tha ai.