Tragjedi, një maternitet përfshihet nga flakët, humbasin jetën 4 foshnja

Një zjarr në Maternitetin Qendror në kryeqytetin e Azerbajxhanit, Baku, vrau këtë të martë katër foshnja.

Tre persona u shtruan në spital për thithjen e tymit, thanë zyrtarët e urgjencës, ndërsa qindra pacientë dhe personel mjekësor u evakuuan nga ndërtesa.

Prokurori i Përgjithshëm Kamran Aliyev u tha gazetarëve se hetimet paraprake zbuluan se zjarri mund të jetë shkaktuar nga një mosfunksionim i një sistemi të energjisë elektrike.

Një hetim është nisur për të parë nëse neglizhenca shkaktoi dy ose më shumë vdekje dhe nëse ka pasur shkelje të sigurisë nga zjarri.