Morata ia siguron fitoren Atletico Madridit ndaj Granadas
Atletico Madridi është rikthyer te fitorja në La Liga.
Skuadra e drejtuar nga Diego Simeone triumfoi sonte në udhëtim ndaj Granadas, në kuadër të javës së 21-të në elitën e futbollit spanjol.
“Los Colchoneres” fituan me rezultatin minimal 0:1.
Golin e vetëm dhe të tri pikëve e shënoi Alvaro Morata, në minutën e 55-të.
Sulmuesi shqiptar, Myrto Uzuni, u aktivizua te vendasit për 67 minuta – por, nuk ia doli të lë gjurmë në këtë përballje.
Atletico Madridi pas kësaj fitore ka 41 pikë dhe renditet i katërti në tabelë.
Granada mbetet në pozitën e parafundit (19) me 11 pikë të grumbulluara.