Man United kalon në raundin tjetër të Kupës FA

Manchester United ka kaluar në raundin e pestë në Kupën FA.

Skuadra e drejtuar nga Erik ten Hag mposhti sonte skuadrën nga kategoria e katërt e futbollit anglez, Newport.

Ndeshja e zhvilluar në stadiumin “Rodney Parade” përfundoi me rezultatin 2:4.

Bruno Fernandes (7’), Kobbie Mainoo (13’), Antony (68’) dhe Rasmus Hojlund (90+4’) shënuan golat e fitores për “Djajtë e Kuq”.

Ndërkaq, golat për vendasit u shënuan nga Bryn Morris (36’) dhe Will Evans (47’).

Manchester United në raundin e ardhshëm do të përballet me fituesin nga ndeshja Bristol City – Nottingham Forest.