Humbja e finales së Superkupës së Spanjës, Xavi: Kam besimin e klubit, besoj në projekt

Xavi është pyetur rreth të ardhmes së tij pas humbjes 4-1 të Barcelonës nga Real Madrid në finalen e Superkupës së Spanjës. Trajneri i blaugranas ka thënë se ai nuk ndihet nën presion dhe ka besimin e bordit të klubit.

“Kam besimin e klubit, kjo është mjaft e qartë. Unë besoj në projekt deri në fund”, ka thënë Xavi për mediat.

“Ne duhet të rivendosim veten dhe të luftojmë për tre trofetë e mbetur”, shtoi ai gjithashtu.

Nuk ka gjasa që Barcelona të marrë ndonjë vendim të madh për trajnerin e tyre pas humbjes në “El Clasico”. Më parë, Laporta deklaroi se do të gjykojnë punën e tij vetëm në fund të sezonit.