Erdogan pas “OK” për F-16: ‘Lufta jonë nuk përfundoi duke i hedhur grekët në detin e Izmirit!’

Nuk kanë kaluar as 24 orë që kur SHBA dha dritën jeshile për t’i shitur Turqisë 40 avionë luftarakë F-16 dhe për të modernizuar 79 të tjerë dhe presidenti turk Rexhep Tajip Erdogan është kthyer me një retorikë nxitëse kundër Greqisë.

Duke folur para kandidatëve të partisë së tij për zgjedhjet komunale në Izmir, presidenti turk tha se “lufta jonë nuk përfundoi duke e hedhur armikun në det në Izmir”!

“Rajonet e Marmarasë dhe të Egjeut janë rajonet ku u vunë themelet e para të historisë sonë mijëravjeçare”, shtoi presidenti turk.

Siç dihet, taktika e ndjekur nga presidenti turk në periudhën e mëparshme për t’u përmbajtur nga retorika nxitëse ndaj Greqisë, ishte një katalizator që Turqia të merrte “po-në” nga Kongresi për shitjen e avionëve luftarakë.

Siç u bë e ditur nga SHBA, Turqia kërkoi të blinte 40 avionë të rinj F-16 dhe të modernizonte 79 F-16 ekzistues në nivelin Viper së bashku me një numër të madh raketash kryesisht ajër-tokë dhe bomba të drejtuara.