Presidenti i Napolit: E pamundur të fitosh çdo vit titullin, përveçse me mashtrim!
Presidenti i Napolit, Aurelio De Laurentiis ka folur së fundmi për objektivat dhe për sezonin aktual.
Në një prononcim për mediet ai theksoi se titullin do ta marrin sërish, por e pamundur sipas De Laurentiis të ndodhë çdo vit.
“Unë ju premtoj se ajo që bëri Luciano do të jetë e përsëritshme. Ne kemi thënë gjithmonë se nuk mund të fitosh çdo vit, përveçse me mashtrim”-deklaroi kreu i klubit të Napoli-t, duke lënë të kuptohet se titulli nuk është te objektivat e këtij sezoni.
Sezonin e kaluar, Napoli e fitoi titullin, duke qenë shumë para skuadrave tjera, por këtë edicion ata po tregojnë një fytyrë tjetër.