Mitrovicë e Veriut, policia konfiskon disa uniforma ushtarake

Të mërkurën në Mitrovicën e Veriut Policia e Kosovës ka konfiskuar uniforma ushtarake dhe disa gjësende të tjera.

“Njësitë policore gjatë kontrollit në një shtëpi  të pabanuar kanë gjetur dhe konfiskuar disa uniforma ushtarake (një këmishë policore, tre palë pantallona ngjyrë të gjelbër ushtarake, pesë këmisha ushtarake,  dy çanta të vogla dore, një palë pranga të plastikës dhe një shok bombë)” thuhet në Raportin e Policisë s Kosovës.

“Lidhur me rastin nuk raportohet për persona të dyshuar, rasti është duke u hetuar”.