Kjo skenë filmi tronditi shikuesit: “Nuk do të blej kurrë një Tesla” (VIDEO)

Filmi i ri në “Netflix”, “Leave the World Behind” është më i ndjekuri në këtë platformë transmetimi këto ditë dhe shumë shikues kanë tërhequr vëmendjen e një skene të veçantë, e cila tashmë po shpërndahet masivisht në rrjetet sociale.

Është një skenë që ka trembur disa nga shikuesit. Vetë skena tregon personazhin e Julia Roberts, Amanda Sandford duke dalë nga makina e saj dhe duke vëzhguar një grumbull makinash të përplasura që bllokojnë rrugën. Burri i saj, i luajtur nga Ethan Hawke, dhe dy fëmijët e tyre, të luajtur nga Farrah McKenzie dhe Charlie Evans, qëndrojnë në makinë dhe përpiqen të kuptojnë se çfarë po ndodh.

Amanda e kupton se të gjitha makinat e goditura janë automjete krejt të reja Tesla dhe vëmendje e veçantë i kushtohet faktit që të gjitha automjetet kishin aftësinë për të vozitur në mënyrë autonome. Familja kupton se makinat janë hakuar përmes programeve vetëdrejtuese dhe po shkatërrojnë veten duke u përplasur me njëra-tjetrën. Më pas ata u detyruan të shmangnin një seri makinash Tesla të hakuara që po shkonin drejt tyre.

Shikuesit në “X” (ish Twitter) komentuan se sa të frikësuar ishin nga kjo skenë.

“Kjo skenë e Teslës në filmin ‘Lëre botën prapa’ po shfaqej tashmë në makthet e mia. Tani po e shikoj të luhet në ekran”, “Nuk do të blej kurrë një Tesla”, “Ajo skenë më bën të dua makina Tesla sa më larg”, “Skena e Teslës nga filmi është e frikshme, por edhe shumë qesharake”, janë disa nga komentet.