Trendafilova në Kosovë, PSD-ja e pret me protestë

Kryetarja e Dhomave të Specializuara të Kosovës, gjykatësja Ekaterina Trendafilova, do të jetë për vizitë edhe sot në Kosovë.

Trendafilova nga ora 14:30 pritet të mbajë një takim me përfaqësues të shoqërisë civile, njofton Klankosova.tv.

E pikërisht në orën kur pritet të nisë takimi i Trendafilovës me përfaqësuesit e shoqërisë civile, Partia Socialdemokrate ka paralajmëruar protestë kundër vizitës së saj në Kosovë.