“Sulm fishekzjarresh” në Skoci/ Policia goditet nga një grup të rinjsh, 8 të plagosur, panik tek qytetarët

Një situatë e papritur për policët në skoci. Ata janë sulmuar nga 50 të rinj, të cilët lanë të plagosur 8 efektivë dhe goditën disa automjete zjarrëfikëse.

Rreth 50 të rinj janë përfshirë në një konlikt të drejtpërdrejtë me policinë në Skoci.

Pamjet nga një zonë e qytetit Niddrie tregojnë oficerët duke qëndruar në një rresht në formë kordoni ndërsa të rinjtë hodhën eksploziv në këmbët e tyre.

Udhëheqësi i Këshillit të Qytetit të Edinburgut, Cammy Day tha se ishte “i tmerruar” nga këto skena.

Sinkron Kjo sjellje e pamatur rrezikon jetët e njerëzve dhe unë ndaj shqetësimin për këtë sjellje të turpshme

8 prej ofivcerëve u dërguan në spital për ndihmë mjekësore.

Policia e Skocisë iu përgjigj gjithashtu trazirave në Glasgow dhe Dundee.

Ndërkohë, Shërbimi Skocez i Zjarrfikësve dhe Shpëtimit (SFRS) gjithashtu deklaroi se nëntë ekuipazhe u sulmuan gjatë një periudhe tetë-orëshe në të gjithë vendin.

Policia u thirr në zonë pas raportimeve për “keqpërdorim të fishekzjarreve” nga disa të rinj.

Dy automjete policie u dëmtuan pasi u goditën me tulla.

Midis orës 15:30 të së dielës dhe mesnatës SFRS mori më shumë se 892 telefonata nga qytetarë të frikësuar dhe mobilizoi zjarrfikësit në rreth 355 zjarre në të gjithë vendin.