Gërvalla merr pjesë në Këshillin e Ministrave të Jashtëm të BE-së, diskutohet për sigurinë në Evropë

Ministrja e Jashtme e Kosovës, Donika Gërvalla do të marrë pjesë në mbledhjen e Këshillit të Ministrave të Jashtëm të Bashkimit Evropian.

Gërvalla ka thënë se aty do të diskutohet mbi zhvillimet e fundit dhe sigurinë në Evropë.

Ajo mes tjerash përmendi edhe sulmin që ka ndodhur më 24 shtator në fshatin Banjskë të Zveçanit.

“Sot do të marr pjesë në Këshillin e Ministrave të Jashtëm të BE-së për të diskutuar mbi zhvillimet e fundit dhe sigurinë në Evropë”, shkroi Gërvalla në platformën X.

“Për Kosovën dhe rajonin, sulmi paraushtarak i Serbisë i 24 shtatorit ndryshon gjithçka dhe dëshmon urgjencën e përballjes me kërcënimet e mëdha të sigurisë”.