Chelsea dhe Man City ndajnë pikët në derbin e tetë golave, Broja protagonist

Chelsea dhe Manchester City kanë ndarë pikët në derbin e javës së 12-të në Premierligë.

Ndeshja e zhvilluar sonte në “Stamford Bridge” ishte tejet spektakolare, me tetë gola të shënuar, teksa në fund u mbyll me rezultatin 4:4.

Man City kaloi i pari në epërsi me golin nga penalltia të Erling Haaland (25’), teksa Chelsea përmbysi rezultatin me golat Thiago Silva (29’) dhe Raheem Sterling (37’).
Manuel Akanji (45+1’) shënoi pastaj për të barazuar rezultatin sërish.

Erling Haaland (47’) shënoi golin e dytë personal për të rikthyer edhe një herë për epërsinë e “Qytetarëve”.

Armando Broja u inkuadrua te “Blutë” në minutën e 89-të dhe dha efekt, pasi nxori një penallti në minutat shtesë.

Cole Palmer (90+5’) shënoi nga pika e bardhë për rezultatin përfundimtar 4:4.

Chelsea pas këtij barazimi ka 16 pikë dhe renditet në pozitën e dhjetë në tabelë.

Manchester City mbetet lider me 28 pikë, një më shumë se Liverpooli dhe Arsenali.