Arsenali fiton dhe bëhet lider në Premierligë
Arsenali ka regjistruar fitore në Premierligë, për të marrë edhe primatin në tabelë.
Skuadra e drejtuar nga Mikel Arteta triumfoi në udhëtim ndaj Brentfordit, në ndeshjen e vlefshme për javën e 13-të.
Ndeshja e zhvilluar në “Brentford Community Stadium” përfundoi me rezultatin 0:1.
Golin e vetëm dhe të tri pikëve për “Topçinjtë” e shënoi Kai Havertz (88’).
Arsenali pas kësaj fitore ka 30 pikë dhe tani prin në tabelë, me një pikë më shumë se Manchester City.
Brentfordi është në pozitën e 11-të me 16 pikë të grumbulluara.