Sirenat nuk ndalen, njerëzit shtrihen të frikësuar në aeroportin e Tel Avivit

Sirenat nuk ndalen, njerëzit shtrihen të frikësuar në aeroportin e Tel Avivit

Në aeroportin e qytetit izraelit, një numër i madh njerëzish janë shtrirë përtokë duke mbuluar kokën nga frika se mos bien raketa të reja.

Gjithçka duket se është e ngrirë, avionët janë bllokuar dhe pasagjerët janë të shqetësuar çdo minutë që kalon se nuk do të mund të largohen kurrë nga zona e luftës.

Një përshkallëzim edhe më i madh është vënë re në minutat e fundit në Rripin e Gazës.Hamas nisi një valë të re sulmesh, duke lëshuar 150 raketa drejt Tel Avivit.

Po ashtu dhe Izraeli përmes avionëve luftarakë hodhi në erë një ndërtesë të lartë në Gaza.

Kujtojmë se Hamasi lëshoi ​​një deklaratë në Telegram, duke konfirmuar vazhdimin e sulmeve të ashpra me lëvizjen e fundit ofensive të palestinezëve.