Presidenti i Serbisë falënderon Irakun për mosnjohjen e Kosovës
Presidenti i Serbisë, Aleksandar Vuçiq, pas takimit me kreun e Parlamentit irakian, Muhamed El Halbusi, e ka falënderuar shtetin e Irakut për mosnjohjen e Republikës së Kosovës,
Vuçiq ka njoftuar në Instagram për takimin , duke theksuar se kanë biseduar mbi përmirësimin e bashkëpunimit mes Serbisë dhe Irakut, situatës aktuale në Ballkanin Perëndimor dhe Lindjen e Mesme.
“Falënderova për qëndrimin konsistent dhe parimor për mosnjohjen e pavarësisë së shpallur në mënyrë të njëanshme të të ashtuquajturës Kosovë dhe shpreha vendosmërinë që në periudhën e ardhshme të vazhdojmë bashkëpunim të gjithanshëm dhe reciprok”, ka shkruar presidenti serb.