Pas lajmit në TS, kapen cigare pa banderrolla

Policia e Maqedonisë së Veriut ka parandaluar kontrabandën e 50 paketave të cigareve të blera në një free-shop në Bogorodicë informon Tetovasot.

50 paketat e cigareve që një shtetas grek i bleu në një free-shop , donte t’i sillte në Republikën e Maqedonisë së Veriut përmes pikës kufitare Bogorodicë pa i denoncuar.

Vlera totale e paketave të cigareve është 85.900, ndërsa totali i detyrimeve doganore që personi ka dashur të shmangë është 60.900.

Doganierët zbuluan paketat e cigareve pas tapicerisë së dyerve të pasme të mjetit me të cilin udhëtonte shtetasi grek.

Dogana e Maqedonisë së Veriut ka konfiskuar rreth 50 kuti me pako të cigareve në pikën kufitare “Bogorodicë”. Sipas përllogaritjeve të Doganës, vlerësohet se në kuti kishte gjithsej rreth 10.000 cigare, për të cilat shtetasi grek duhej të paguante 60.900 denarë doganë.

“U parandalua kontrabanda e 50 kutive të paketave të cigareve që një shtetas grek i bleu në një free-shop dhe donte t’i sillte në Republikën e Maqedonisë së Veriut përmes pikës kufitare Bogorodicë. Vlera totale e paketave të cigareve është 85.900 denarë, ndërsa totali i detyrimeve doganore që personi ka dashur të shmangë është 60.900 denarë. Në zgavrat nga fabrika të tapicerisë së dyerve të pasme të automjetit me të cilin udhëtonte shtetasi grek, doganierët zbuluan paketat e cigareve”, thuhet mes tjerash në njoftimin e Doganave.TS