Nardi Bexheti, diamanti i Shkëndijës dhe super sulmuesi i gjeneratës 2011

Rrjedh nga një familje që i kanë dhënë shumë futbollit dhe Shkëndijës dhe aty tema kryesore është pikërisht ky sport masiv shkruan Tetovasot.
Ai është një super sulmues me të majtën e tij perfekte dhe po bën sërish një sezon të shkëlqyer me golat e tij që janë secili më i jashtëzakonshëm se tjetri.
Bëhet fjalë për Nardi Bexheti që bën pjesë te gjenerata ndër më të mirat që ka Shkëndija., ajo e 2011.
Nardi është një i tillë lojtarë që nuk dorëzohet kurrë dhe lë zemrën në fushë duke kërkuar gjithnjë me ngulm fitoren dhe shpesh ajo vjen me golat e tij vendimtar që nuk mungojnë në secilën ndeshje.

Edhe këtë sezon ai është në krye me golat që i kanë sjellë skuadrës disa fitore në derbi dhe padiskutueshëm Shkëndija 2011 qëndron në krye të klasifikimit në një konkurrencë të fortë.

Roli i tij është sulmues por ai nuk e ka problem edhe pozicionin e mesfushorit .

Tek ai shihet një potencial i madh dhe është një prej diamanteve që ka kjo gjeneratë që drejtohet nga treneri i njohur Ibraim Luma.
Gjenerata 2011 ka marrë pjesë edhe në turne ndërkombëtarë me skuadra të njohura ndërsa në vend është e pathyeshme.Tetovasot