Man City kryen detyrën në Zvicër
Manchester City ka arritur të shënojë fitore në udhëtim ndaj ekipit zviceran, Young Boys.
Ishte një takim shumë më i vështirë sesa që pritej për ekipin e Pep Guardiolas, që triumfoi në fund me rezultat 1:3.
Dhe, të gjithë golat u shënuan në pjesën e dytë.
Atmosfera e jashtëzakonshme e tifozëve i mbajti të motivuar kampionët e Zvicrës, që nuk lejuan të pranonin gol në 45 minutat e parë.
Por, njëjtë nuk ndodhi në fraksionin e dytë.
Ishte Manuel Akanji që kaloi mysafirët në epërsi në minutën e 48-të.
Katër minuta më vonë, Young Boys barazoi shifrat nëpërmjet Elias.
Erling Haaland riktheu epërsinë e kampionit anglez, duke u treguar i saktë nga penalltia në minutën e 67-të të ndeshjes.
Ishte sërish sulmuesi norvegjez që realizoi në minutën e 86-të për të “blinduar” fitoren e mysafirëve.
Kësisoj, Manchester City tani ka nëntë pikë nga tri ndeshje dhe prin në grupin G.
Në anën tjetër, Young Boys mbetet në pozitën e tretë me një pikë të tubuar.