Hovenier: Një lloj strukture, pas sulmit në veri

Ambasadori i Shteteve të Bashkuara në Prishtinë, Hovenier, tha se një lloj strukture apo strukturash qëndron pas sulmit të armatosur ndaj Policisë së Kosovës javën e kaluar në veri të vendit, gjatë të cilit u vra një zyrtar policor. I pyetur nga BBC nëse Serbia qëndron pas sulmit, Hovenier tha se sasia dhe cilësia e armëve të gjetura në Banjskë të Zveçanit tregojnë se “sulmuesit serbë etnikë nuk i siguruan ato vetë”. Presidenti i Serbisë Aleksandar Vuçiq, e ka falënderuar Millan Radoiçiqin për “ruajtjen e serbëve në Kosovë”, para se të deklaronte më vonë se ai do të merret në pyetje nga drejtësia. Në ditë më parë, deridje nënkryetar i Listës Serbe Radoiçiqi e mori përgjegjësinë për sulmet ndaj Policisë së Kosovës në fshatin Banjskë të Zveçanit më 24 shtator, dhe dha dorëheqje nga posti i tij në parti. Ministri i Brendshëm i Kosovës, Xhelal Sveçla, ditë më parë tha se Radoiçiq nuk ka vepruar i vetëm siç ka thënë, por i mbështetur nga presidenti i Serbisë, Aleksandar Vuçiq.