Aksidenti i rëndë i merr jetën shqiptares në Itali, plagosen edhe tre persona të tjerë, mes tyre një vajzë 10-vjeçare

Një aksident i rëndë në Itali i ka marrë jetën një 67-vjeçareje shqiptare e identifikuar si Vilajete Sharka. Mediat italiane raportojnë se aksidenti ka ndodhur mbrëmjen e djeshme në Santa Croce Camerina të Sicilisë.

Në aksident u përfshinë një makinë Toyota Yaris, në të cilën shqiptarja ishte pasagjere, duke u përplasur me një “Fiat”.

Dinamika e aksidentit ende nuk është zbardhur ndërsa raportohet se të plagosur kanë mbetur edhe tre persona të tjerë mes tyre edhe një 10 vjeçare.

Policia italiane po punon per zbardhjen e rrethanave të aksidentit.