11 punonjës të agjencisë së OKB-së për refugjatë të vrarë në Rripin e Gazës

Zyrtarët e agjencisë së OKB-së për ndihmë dhe punë (UNRWA) kanë konfirmuar se 11 punëtorë të organizatës ishin vrarë që nga e shtuna në Rripin e Gazës gjatë luftimeve mes Hamasit dhe Izraelit, si pasojë e bombardimeve të Tel Avivit
Midis të vrarëve ishin pesë mësues, një gjinekolog, një inxhinier, një psikolog dhe tre pjesëtarë të personelit ndihmës, tha agjencia në një deklaratë zyrtare.

“Stafi i OKB-së dhe civilët duhet të mbrohen gjatë konfliktit. Ne bëjmë thirrje që luftimet të marrin fund për të kursyer më shumë jetë civile të humbura”, deklaroi OKB pas vrasjes së tyre.