Zelensky e falënderon Ramën publikisht: I treguat botës si trajtohet Rusia dhe rrenat e saj (VIDEO)

Zelensky e falënderon Ramën publikisht: I treguat botës si trajtohet Rusia dhe rrenat e saj (VIDEO)

Presidenti i Ukrainës, Volodymyr Zelensky, e ka falënderuar publikisht kryeministrin e Shqipërisë, Edi Rama, pasi ky i fundit në cilësinë e drejtuesit të mbledhjes së Këshillit të Sigurimit të Kombeve të Bashkuara është përplasur me përfaqësuesin e Rusisë, Vasily Nebenzia.

Zelensky ka falënderuar Ramën që i ka treguar botës se si duhet ta trajtojë saktë Rusinë, gënjeshtrat dhe hipokrizinë e saj.

“Faleminderit Edi Rama, sot në Këshill të Sigurimit të OKB-së ju i treguat botës se si ta trajtojë saktë Rusinë, gënjeshtrat dhe hipokrizinë e saj. Ju falënderoj që e drejtoni Presidencën në një mënyrë kaq parimore”, ka shkruar Zelensky në platformën “X”.
Edi Rama ka polemizuar me Nebenzian e Rusisë pasi kishte vendosur t’ia japë fjalën të parit, Volodymyr Zelenskyt, dhe më pas edhe kryediplomatit maqedonas, Bujar Osmanit, si përfaqësues i OSBE-së.

Rama i ka thënë përfaqësuesit rus se është e lehtë nëse pranon për të bërë një marrëveshje, që Rusia ta ndalë luftën në Ukrainë dhe Zelensky s’ka nevojë ta marrë fjalën fare.

 

App Icon
TetovaSot App
Shkarkoje tani nga playstore!
Instalo