Teksa disave u hidhen telefona dhe shishe me ujë, reperi i njohur ka marrë një dhuratë krejtësisht ndryshe nga publiku

Në muajt e fundit yje të shumtë janë goditur me objekte të ndryshme gjatë performancave të tyre, e kjo për shkak të trendit të çuditshëm që duket se nuk ka fund.

Një nga incidentet më të famshme ka ndodhur në Nju Jork, kur një burrë nga publiku goditi me telefon në kokë këngëtaren Bebe Rexha , për shkak të së cilës ajo “fitoi” disa qepje. Megjithatë, reperi i njohur Drake ia doli shumë më mirë.

Nuk është sekret që Drake ka marrë sutjena të shumta nga fansat femra në audiencë gjatë turneut të tij, por e fundit që “fluturoi” në skenë gjatë performancës së tij është padyshim dhurata më e madhe ndonjëherë.

Në sytjena gjigante kishte një mesazh që këngëtari në fillim nuk donte ta lexonte me zë të lartë, por më pas zbuloi se ishte një dhuratë nga babai i tij dhe vendosi ta lexonte gjithsesi.

“Babi dëshiron gjëra të mëdha për ty. Të dua dhe dua të sigurohem që të ushqehesh siç duhet”, shkruhej në mesazh dhe reperi u përgjigj duke thënë: “Çfarë nuk shkon me këtë njeri?”. Mirëpo, në fund, të kujtojmë se vetë Drake ishte viktimë e trendit të çuditshëm – në fillim të korrikut gjatë një performance, dikush nga publiku e goditi me një telefon në dorë, por reperi thjesht vazhdoi të performonte.